Fintina ny resaka nataoko sy ny solontena avy amin'ny DSI/MEN.
Mihato aloha ny fijerena valim-panadinana ato amin'ny SEKOLY.cloud, mandrapaha-vita ireo dingana rehetra takiana, hahafahana manao izany, sy araka ny lalàna.
Alahady 19 Jolay 2026, 12:24
Avy nifampiresaka tamin'ny tompon'andraikitra iray tao amin'ny DSI/MEN aho. Ireto avy ny zavatra voaresaka,
sady ihany koa mety hanampy ireo izay manana fikasàna hanamboatra fitaovana mitovy na tsara kokoa:
- Misy fifanarahana mazava (contrat de partenariat) tokony atao mialoha amin'ny MEN sy ny mpisehatra, satria mikasika ny resaka fanadinana sy valim-panadinana ny zavatra zaraina.
- Andraikitra tanteraka an'ny mpisehatra no manome toky, fa tsy misy novàna ny valim-panadinana azo, mba hialàna amin'ny olana rehetra mety ho ateraka an'izany.
- Azo atao ny mangataka fampiasàna API an'ny MEN, amin'ny alalan'ny fangatahana TOKEN, hahafahan'izy ireo mamantatra ilay mpisehatra, sy manamarina ny authenticité de données. Mila efa manana ilay contrat etsy ambony vao afaka misitraka ilay TOKEN.
- Azo atao ihany koa ny maneho ny valim-panandinana an-taratasy, peta-drindrina nalaina sary.
Mamy RAOBELINA
Software Engineer